AUGUSTINUS, Aurelius (Saint). De civitate Dei. Jo. Frobenius lectori s. d. En habes optime lector absolutissimi doctoris Aurelii Augustini, opus absolutissimum, de civitate Dei, magnis sudoribus emendatum ad priscæ venerandæque vetustatis exemplaria, per virum clarissimum & undequaque doctissimum Joan. odovicum Vivem Valentinum, & per eundem eruditissimis planéque divo Augustino dignis commentariis sic illustratum, ut opus hoc eximium, quod antehac & depravatissimum habebatur, & indoctis commentariis miserabiliter contaminarum, nunc demum renatum videri possit. Fruere lector, ac fave tum illius non æstimandis vigiliis, tum nostræ industriæ : cujus officina semper aliquid parit, majore profecto fructu publicorum studiorum quam privato meo compendio : simulque agnosce, quantum etiam theologia debeat bonis literis. Vale.